Dalawa ang patay on the spot ngayong Biernes ganap na alas onse ng umaga, habang kritikal ang isa pa, sa naganap na shooting incident sa isang disputed land sa Brgy. Pulo, Hermosa, Bataan.
Sa report mula kay Police Major Jeffrey Onde, Hermosa Police chief kay Bataan Police Director, Police Col. Jesus Rebua, kinilala ang mga biktimang sina alyas Joey Valencia, alyas Melton Valencia at alyas ER Valencia.
Ayon sa isang nakasaksi sa krimen, 2 armadong lalaki ang bumaril sa mga biktima saka mabilis na tumakas lulan ng isang van na may nakabuntot na motorsiklo at tricycle.
Patay on the spot sina Joey at Melton Valencia habang kritikal na isinugod sa ospital si ER Valencia.
Habang sinusulat ang balitang ito, patuloy pa ang isinasagawang imbestigasyon ng Bataan PNP sa naturang krimen at hindi pa nagbigay ng buong detalye.
Nasa crime scene na ang mga scene of the crime operatives (SOCO) mula sa Bataan Crime Laboratory para sa crime scene investigation.