LIMAY, Bataan — Patay ang dalawa katao sa isinagawang anti-drugs operations ng mga otoridad sa Bo. Luz ng bayang ito, alas tres ng madaling araw nitong Mierkoles.
Sa report mula sa PNP kinilala ang mga napatay na sina Rey Joseph Bocabo at Allan Rivera, kapwa umano nasa nasa drugs watch list at residente ng Cavite at Maynila.
Ayon sa ulat ng pulisya nang matunugan umano na pulis ang kanilang katransaksyon ay nagpaputok ang isa sa kanila sa mga aarestong pulis kaya’t gumanti ang mga otoridad hang gang sa sila ay mapatay.
Nakuha sa crime scene ang caliber 45 pistol, mga bala, motorsiklo, isang sachets ng shabu, at mga basyo ng bala ng 9mm pistol at caliber 45.
Ayon sa ulat mula sa Campo Olivas, iba’t ibang units ng PNP ang nagsanib pwersa sa nabanggit na operasyong.
Nitong nagdaang Linggo ay nadakip naman ang mag live in partner sa bayan ng Hermosa at nakuha an naman ng 2 loose firearms at kalahating milyon pisong halaga ng shabu.