Apansinan na keng sarili nang Pisuk
Ing balamu medyu meyna ya balugbug
Kasi pin pelalung tulauk ding manuk
Keng tingad na anti namung sitsit yamuk.Malaut na kesa king sadya rang katni
Ding adwa nang peka-antena mo wari,
Nung inya aisip na lang ipasuri
King kakilala nang doktor king Lagundi.Karas na king doktor a mityempu namang
King klinika niti ala ya pang disan
Metung mang pasyenti, inya y Pisuk yang
King penandit a ita ing minunang misyang.“O, kumusta” ngana ning doktor kang Pisuk
“Dok, palawe ku la ring kakung balugbug,
Uling kasing ya mung sarili kung atut,
Keng pakiramdam ku biyung da na ring yamuk”.“Ala kang ganakan” nganing doktor kaya
Malagua’ing solusyon king kekang problema;
Karening panulung ipaynum ku keka
Makasiguru kung yan damdaman mu na.“Ay, salamat doktor” ngana nining Pisuk
“Ngeni kumatni no’ ring kakung balugbug,”
“Ali,” nganing doctor, “ding binye ku Pisuk,
Ing tutu na paka-sikan la mung atut!”
