Nadakip ang 3 Chinese nationals sa isinagawang follow up operation sa Tipo Road, Brgy Tipo, Hermosa, Bataan.
Isinagawa ang operasyon ng joint operatives of PDEA, PNP-DEG NCR, TEAM ISAFP, PHIL NAVY, AFP JCITF NOAH, NICA, BOC, Subic Police Station, Zambales PPO, 1st Provincial Mobile Force Company, Hermosa MPS, PIU-PPDEU Bataan PPO, CIDG Bataan, SBMA IIO, SBMA Law Enforcement Dept at Subic Customs sa Tipo Exit sa Brgy. Tipo-Hermosa na nagresulta sa pagkakadakip nina: Qing Chang Zhou, “Ricky Chou, 37; Cai Cai Bin “James/Joseph Chua”, 49; at Longcai Chang, 45 years old.
Nakumpiska sa mga suspek ang tinatayang nasa 80 kilos ng shabu na nagkakahalaga ng P544 Million; isang black Toyota Land Cruiser ( UOF 567); isang maroon Mitsubishi Montero (NDO 6824); isang Android Phone (MI) at isang analog phone.
Nauna rito ay 4 na Chinese nationals na pawang kasamahan din ng mga nadakip ang napatay sa naging anti illegal drugs operation sa Candelaria, Zambales kung saan 3.4 bilyong pisong halaga ng shabu naman ang nasabat ng mga otoridad.
