Ang Commission on Elections (Comelec) Bulacan Provincial Office kasama ang Bulacan Police Provincial Office (PPO) ay nagsagawa ng Unity Walk and Peace Covenant Signing na nilahukan ng mga top candidates para sa darating na 2025 National and Local Elections.
Nitong Miyerkules ng umaga ay sinimulan ang unity walk mula sa ild city hall ng Lungsod ng Malolos at nagtapossa makasaysayang Simbahan ng Barasoain kung saan isinagawa ang integrity pledge signing.
Dalawang araw bago magsimula ang local campaign period, nagmartsa ang mga miyembro ng police force, military, Department of Interior and Local Government (ILG), Bureau of Fire Protection (BFP), Bureau of Jail Management and Penology (BJMP), Comelec, DepEd, religious sector at election stakeholders kasama ang mga kandidatong tumatakbo sa May 12, 2025 elections.
Ang mga nangungunang lokal na kandidato na lumahok sa kaganapan ay sina re-electionist Governor Daniel Fernando at Vice Gov. Alex Castro, dating gobernador Wilhelmino Sy-Alvarado, gubernatorial aspirant dating Meycauayan Vice Mayor Salvador Violago at gubernatorial candidate Jason Ocampo, congressional candidates re-electionists Congressman Danny Domingo ng First District, Cong. Tina Pancho ng 2nd District, Cong. Salvador Pleyto ng 6th District, congressional candidate Guiguinto Mayor Agatha Cruz ng 5th District at mga incumbents/ aspirants para sa Sangguniang Panlalawigan board members.
Sinabi ni Bulacan Comelec Provincial Election Supervisor Mona Ann Campos na ang kaganapan ay naglalayong isulong ang isang mapayapa, maayos, malaya, at patas na halalan ngayong taon at mapangalagaan ang kasagraduhan ng halalan at mapanatili ang walang-marahas na halalan.
Pagkatapos ng unity walk, dumalo ang lahat ng kandidato at tagasuporta sa isang Banal na Misa na pinangasiwaan ni Rev. Domingo Salonga na sinundan ng oath-taking, isang peace covenant signing kung saan ipinangako ng mga kandidato ang kanilang pangako na tumulong na makamit ang isang mapayapa, maayos, at patas na halalan.
“Kami ay malugod na nagpapasalamat sa pakikilahok sa makabuluhang okasyong ito sa pagtitipon upang pumirma sa tipan ng kapayapaan at pangako ng integridad para sa patas at mapayapang halalan,” sabi ni Campos.
“Sa paglagda natin sa ating integrity pledge, umaasa ako na ito ay magsisilbing gabay natin sa anumang aksyon at desisyon na gagawin natin. Alalahanin natin na ang ating sukdulang responsibilidad ay pangalagaan at magtiwala na inilagay sa atin ng mga tao'” sabi niya.
“Nawa’y ang tipan na ito ay maging inspirasyon sa atin na itaguyod ang tuntunin ng batas at magtulungan upang matiyak na ang ating halalan ay makikita sa pamamagitan ng kalooban ng mga tao,” she ended.
Pinaalalahanan din ni Campos ang mga kandidato na magsisimula ang “Baklas Operation” sa Marso 28 unang araw ng campaign period para sa mga campaign materials sa halalan na nakapaskil sa labas ng common poster areas sa mga pampublikong lugar kung saan ipinagbabawal ang paglalagay ng campaign materials.
Sa kanyang mensahe sinabi ni Gob. Fernando na siya at ang iba pang kandidato ng National Unity Party (NUP) ay sumali at sumuporta sa inisyatiba para sa isang mapayapa at patas na halalan.
“Ang programang ito, na isinasagawa bago magsimula ang kampanya, ay isang mahalagang hakbang sa pagtiyak ng isang mapayapa, maayos, tapat at malinis na 2025 Elections,” sabi ng gobernador.