Pumanaw na ang ina ni Bulacan Governor Daniel Fernando na si Luningning Fernando Ramirez sa isang ospital sa Pampanga nitong Martes ng umaga.
Si Nanay Luningning ay pumanaw sa edad na 87 sanhi ng paulit-ulit na karamdaman dulot na rin ng katandaan.
Naulila ni Nanay Luningning ang kaniyang anim na anak na sina Pablo Jr., Boyet, Gob Daniel, Amelia, Noel at Athenie.
Ang mga labi nito ay ilalagak sa Manila Memorial Park sa Guiguinto, Bulacan kung saan nakatakda naman ilibing sa araw ng Linggo (Pebrero 16).
