Aabot sa mahigit isandaan at limampung pisong halaga ng ilegal na droga ang nasabat raid na isinagawa ng PDEA Bataan at Mariveles PNP sa Brgy Townsite, Mariveles, Bataan nitong Biernes ng umaga.
Sa report mula sa PDEA sinalakay ang bahay ni John Cristobal, sa bisa ng search warrant na inisyu ni Judge Ma. Christina Mendoza-Pizarro.
Sa paghahalughog sa tahanan ni Cristobal ay nakuha ang mga suspected shabu na may street value na P152,000 at drug paraphernalia.
Sa kasamaang palad ay nakatakas ang suspect nang magtatakbo umano ito sa isang bukirin bago pa nakarating ang mga otoridad.
Todo tanggi naman ang mga magulang ni Cristobal sa anila’y paratang na drug pusher ang kanilang anak.
Nahaharap si Cristobal sa paglabag sa Republic Act 9165 o Comprehensive Dangerous Drugs Act.