Patay ang isang lalaki na diumano’y isa sa mga suspek na holdaper ng mga convenience store sa Bataan.
Sa inisyal na impormasyon ng RMN News, nangyari ang shootout sa isang residential area malapit sa Alfamart Convenience Store sa Barangay Balsik, Hermosa, Bataan, mag aalas dose Ng madaling araw nitong Linggo.
Ayon sa isang intel operative na tumangging magpakilala, matagal na umano nilang subject ng surveillance ang umano ay grupo na responsable sa serye ng holdapan sa mga sangay ng convenience stores sa iba’t ibang bayan sa Bataan at karatig lalawigan kagaya ng Pampanga, Nueva Ecija at Tarlac.
Nakuha sa suspek ang isang baril at sari saring denominasyon ng cash money at mga barya. Nakatakas naman umano ang isa pang kasama nito.
Nagpapatuloy ang eksaminasyon at dokumentasyon ng SOCO at Hermosa Police habang sinusulat ang balitang ito.