BALANGA CITY – Walang nagpositibo sa Covid-19 nitong a dos ng Nobyembre.
Ito ang masayang ibinalita ni Bataan Governor Abet Garcia sa kanyang Covid Update sa kanyang Facebook Page.
Bukod sa zero new case ay mayroon pang sampung pasyente ang napaulat na gumaling o nakarekober.
Sa kabuuan ay umabot na sa 2,827 ang bilang ng nagpositibo sa Covid19 pero umabot na sa 2,606 ang bilang ng mga gumaling kaya’t nasa 166 na lamang ang bilang ng active cases.
Samantala nasa 55 na ang kabuuang bilang ng mga pumanaw na.
Sa mga bagong sumailalim sa swab test ay 119 ang nagnegatibo habang 281 ang bilang ng mga pending o naghihintay pa ng resulta.
