HERMOSA, Bataan – Nadakip sa buy-bust operation ng Hermosa PNP ang isang 23 anyos na lalaki sa Barangay Sumalo, Hermosa, Bataan, pasado alas dos ng madaling araw nitong Linggo.
Sa ulat mula kay Police Major Jeffrey Onde, Hermosa chief of police, kinilala ang naaresto na si Jake Torres, nakatira sa Brgy. Saba, Hermosa, Bataan.
Nakuha sa kanya ang apat na plastic sachets ng shabu, isang walang plakang motorsiklo at 500 peso bill marked money.
Kasong paglabag sa Sections 5 at 11 ng R.A. 9165 ang isasampang kaso laban sa suspek.
Samantala, sa follow up operations Linggo ng hapon ay nadakip ang dalawa pang suspek sa Barangay Culis, Hermosa, Bataan na diumano’y source of pinagkukunan nito ng droga.
Kinilala ang dalawa pang naaresto na sina Joseph Torres 41, tricycle driver, taga Barangay Balsik Hermosa, Bataan; at Miguel De Jesus 54, tricycle driver din at nakatira sa Barangay Daungan, Hermosa, Bataan.
Nakuha sa kanila ang walong (8) plastic sachets ng shabu, isang tricycle, 500 peso bill marked money at cellular phone.
Dinala sila sa Hermosa MPS para sa pagsasampa ng karampatang kaso.