PALAUIG, Zambales — Aabot sa 30 milyong pisong halaga ng shabu ang nasabat sa isinagawang police operations sa Iba, Zambales kaninang umaga.
Sa report ng PNP Maritime Group, natagpuan ang sampung kilo ng shabu sa isang abandonadong speed boat sa dalampasigan ng Palauig Zambales ganap na alas onse Biernes ng umaga.
Dinala ang mga narekober na ilegal na droga sa SOCO Provincial Office ng Zambales para sa karagdagan pang imbestigasyon at pagsusuri.
