Dahil umano sa pagnanais na makakuha ng mga wild plants mula sa kagubatan ay nagresulta ito ng kamatayan sa isang beinte anyos na lalaki nang malunod ito sa bahagi ng Dunsulan Falls, Brgy. Liyang, Pilar, Bataan, Hueves ng hapon.
Sa report mula kay Police Capt. Emerson Coballes, hepe ng Pilar PNP, kinilala ang biktimang si Allan Walter Cruz, binata at residente rin ng nabanggit na barangay.
Nabatid sa imbestigasyon na nitong Mierkoles nagtungo ang biktima kasama si Kevin Hernandez sa isang burol malapit sa Dunsulan Falls para manguha umano ng mga wild plants nang aksidente umanong madulas si Cruz at nahulog sa nabanggit na talon (falls) ang biktima.
Sinubukan umanong mailigtas ni Kevin ang biktima subalit sa takot na siya rin ay malunod din ay tumawag na lang ito ng saklolo.
Hueves na ng hapon nang makuha ang wala nang buhay na katawan ng biktima.