BALER, Aurora — Itinanghal na kampeon ang taga Aurora na si Carl Vincent Gutierrez sa katatapos na 2nd Capiz International Triathlon.
Nanguna siya sa Sprint Category na nilahukan ng may 350 atleta mula sa iba’t-ibang panig ng mundo.
Sa isang panayam, sinabi ni Gutierrez na inaalay niya ang kanyang tagumpay sa Diyos at sa kanyang pamilya.
Dagdag pa niya, nakatakda siyang sumali sa Musaman Triathlon sa Davao ngayong Hunyo 13.
