Kalahating milyong pisong halaga ng shabu at iba pang klaseng ilegal na droga ang nasabat habang apat na suspek ang nadakip sa magkahiwalay na police operation sa Olongapo City.
Sa report mula kay Police Col. Benjamin Sembrano, Olongapo City Police Director, kinilala ang mga nadakip na sina Magnolia Chan, 22, taga Morong, Bataan; Bhob Christian Andrade, 22; Benjamin Hernandez, 25; at Muslimen Berca, 42, pawang mga taga Olongapo City.
Ayon sa PNP, ang mga nadakip ay kabilang sa PNP-PDEA Unified drug watch list.
Umabot sa 41 plastic sachets ng shabu na may bigat na 150 gramo at street value na P500,000; 5.70 gramo ng marijuana, 130 piraso ng party drugs, drug paraphernalia, Glock 19 pistol at 15 piraso ng 9mm na bala ang nakumpiska sa mga suspek.
Dinala ang mga nadakip at mga ebidensya sa himpilan ng PNP para sa proper documentation at disposition. –Photos from Jonas Reyes.
