Nadakip ng mga operatiba ng Criminal Investigation and Detection Group o CIDG Bataan ang top 1 most wanted person (MWP) sa Bataan sa isinagawang operasyon sa Brgy. Mulawin, Orani, Bataan.
Sa report mula kay Police Major Christian Burgos, hepe ng CIDG Bataan, kinilala ang nadakip na si Lanz Karl Bringas Cruz, 18 anyos, residente ng Brgy. Tapulao, Orani, Bataan.
Ayon kay Major Burgos, si Lanz Karl ay Top 1 MWP sa Sibat Target Municipal Level. Dinakip ito dahil sa kasong 3 counts of sexual abuse and acts of lasciviousness in relation to Republic Act 7610 o ang Special Protection of Children Against Abuse, Exploitation and Discrimination Act.
Nadakip ito sa bisa ng Warrant of Arrest mula kay Hon. Judge Dorina Castro ng RTC Branch 2 Family Court Balanga City, Bataan.
Inatasan ng korte na magbayad si Cruz ng P200,000 sa isang kaso nito subalit no bail recommended naman sa iba pang kaso nito.
