Patay ang isang tricycle driver matapos mabangga ng motorsiklo ang minamaneho niyang tricycle sa Roman Expressway, Brgy. Cabcaben, Mariveles, Bataan nitong Araw ng Pasko.
Ayon sa ulat mula sa Mariveles PNP, kinilala ang biktimang namatay na si Efren Angeles, 67 anyos, residente ng naturang Barangay.
Nabatid sa imbestigasyon ng pulisya na tumatawid sa Roman Highway ang tricycle na minamaneho nito at nataon namang paparating ang isang motorsiklo na minamaneho ni Reynaldo Donaire, legal age, taga Townsite Mariveles, na bumangga sa tricycle ng biktima.
Kapwa isinugod sa ospital ang dalawa subalit binawian ng buhay ang nabanggit na tricycle driver.
Kasong Reckless Imprudence Resulting in Homicide and damage to properties ang kinakaharap na kaso ng motorcycle rider.