ORION, Bataan — Kasabay ng pagdiriwang ng kanyang ika limampung taong kaarawan nitong Sabado, Pebrero a uno, ay pinangunahan ni Bataan Governor Albert Raymond S. Garcia ang groundbreaking ceremony sa 1Bataan Village sa bayan ng Orion, Bataan.
Ito ang regalo ni Gov. Abet Garcia sa mga residenteng nasunugan sa bayang ito noong Enero 2019 sa Sitio Depensa sa Barangay Capunitan sa bayang ito.
Dumalo rin sa naturang okasyon sila Vice Gov. Cris Garcia at SP Bataan members, Bataan 2nd District Rep. Joet Garcia, Orion Mayor Tonypep Raymundo at SB Orion Members, AFAB Chair Emmy Pineda, Hermosa Mayor Jopet Inton, Balanga City Mayor Francis Garcia, NHA at DHSUD officials, Bataan press, barangay officials at mga residenteng mabibiyayaan ng proyekto.
Ang naturang proyekto ay sa pakikipagtulungan ng Pamahalaang Panlalawigan ng Bataan, Orion LGU, NHA, Department of Human Settlement and Urban Development at tanggapan ni Senador Bong Go.
