Misan i Erap, ilang adwang Geli German
A magrasyun alak keya Malakanyang,
Apiagkatan dang ating lang tagunan
Metung a okasyun a e karaniwan.
Ding lalaki paka-matuling lang jacket,
Kurbatang matuling at saka ‘plain white shirt,’
Ding babai ‘black gowns and nobody’s in red’
Karing pesitagun, pati ‘special guests’.
‘Boring party’ para kang President Erap
Ing okasyun inya ala yang inarap
Nune ing ‘Blue Label’ a kapad nang alak
Kilub na alus ning kulang king kabukas..
Pero bayu ne iti agisan a laman,
‘There he saw a lady’ a bayu pang datang,
‘Wearing a white gown and looks very special’
A keta bigla nang aisip lapitan.
At ngana kang Reli: “Ding anti kareti
Ilang klasing bebot a buri kung dili,
E ya ‘non-conformist’ o kaya rebeldi,
Inya pamalak ku – mikasundu kami”
Lepitan ne’t saka magalang inagkat
Ing bisita banting akayabe terak;
“Madam, would you care for to my request to dance,
Kasama ang Pangulo ng Pilipinas?”
“No, and I will give 3 reasons why it can’t be”
(Nganang mekibat king mal a Presidenti)
“Number 1, I don’t know how to dance of any”
“Makimatulid ka” ngana naman niti.
“Kadwa, malasing ka” nganing keyang siglung
Pekibat nang Erap: “That is your opinion”
“At saka ing sangkan a pekamaragul,
Aku’y Cardinal Sin – iti’ing katlung rason!