Dumagsa ang tulong sa mga pamilyang naapektuhan ng naganap na sunog sa Brgy. PaCar, Orani, Bataan nitong Lunes.
Unang tumugon sa pangunahing pangangailangan ng mga nasunugan ay si Bataan 1st District Representative Geraldine B. Roman na kaagad na namahagi ng food packs at hygiene kits sa mahigit dalawampung pamilyang nasunog ang mga bahay na nagresulta sa pagkamatay ng dalawa katao.
Si Pusong Pinoy Partylist Rep. Jett Nisay ay umaksyon din at nagpamahagi ng food packs sa may 24 beneficiaries.
Samantala, si Orani Vice Mayor Em Roman kasama ang kanyang EMcares Team ay dumalaw din sa mga nasunugan at namigay din ng mga food packs.
Si dating Bokal Rey Ibe ay dumalaw din sa mga nasunugan at namahagi ng bigas sa mga pamilyang apektado.
