LUNGSOD NG MALOLOS — Humigit kumulang 150 Dumagat sa sitio Ipo Dam, barangay San Mateo sa bayan ng Norzagaray ang tumanggap ng relief packs mula sa pulisya at kasundaluhan.
Kabilang sa mga ipinamahagi ang food packs, tig-tatlong kilong bigas at mga delata.
Ayon kay 48th Infantry Battalion o 48th IB Commander Lt. Col. Felix Emeterio Valdez, ang naturang aktibidad ay bahagi ng pagdiriwang ng Police Community Relations Month.
Samantala, katulong din ang 48th IB sa paghahatid ng 600 hygiene kits sa mga katutubo sa sa mga lalawigan ng Bataan, Pampanga at Bulacan.
