LUNGSOD NG BALANGA — Iginawad ng Provincial Health Office o PHO sa ikalawang magkasunod na taon ang pagkilala bilang Most Outstanding Municipality in Nutrition sa Morong.
Ayon kay Municipal Nutrition Action Officer Jocelyn MaΓ±alac, iba’t-ibang programang pangkalusugan ang isinasagawa ng kanilang bayan tulad ng home, school and community food production; micronutrient supplementation; at food fortification and assistance.
Kabilang sa kanilang estratehiya ang pagtungo sa mga pinasulok na purok ng kanilang bayan para magbigay serbisyo.
Dagdag pa ni MaΓ±alac, naging epektibo ang pagsasagawa nila ng nutrition education; nutrition in essential material, child health services, human resource development; at nutrition advocacy para sa mga bata.
Samantala, kinilala din ng PHO si Desiree Salmorin ng Tabing Ilog sa bayan ng Samal bilang Most Outstanding Barangay Nutrition Scholar. (CLJD/MJSD-PIA 3 kasama si Maria Sophia Reyes,intern)
